سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، رێنمایی ئاراستەی نانەواخانە و سەموونخانەكان كراوە بۆ دیاریكردنی نرخی نان و سەموون و سەرپشك كراون كە بەپێی كێشیان 6 نان بە هەزار دینار بدەنە هاوڵاتییان یاخود 8ی بە هەزار و دەشڵێت، “لە چەند سەموونخانەیەكیشدا نرخی 10 سەموون كراوە بە هەزار دینار”.
راشیگەیاند، ئەو نانەواخانانەی كە 8 نان بە هەزار دینارە دەبێت كێشی 90 بۆ 100 گرام بێت و 6 نان بە هەزار دینار دەبێت كێشی 130 گرام بێت و لە بەشێك لە سەموونخانەكاندا 10 سەموون كراوە بە هەزار دینار.
ئاشكراشیكرد، هەر نانەواخانە و سەموونخانەیەك پابەندی ئەو رێنماییانە نەبێت كە ئاراستەیان كراوە سزادەدرێن.
