دوای چەند کاتژمێرێک لە رووداوێکی هاتوچۆ وەزیری دادی نیوزلەندا دەستی لەکارکێشایەوە.
کیری ئالان وەزیری دادی نیوزلەندا شەوی رابردوو تووشی رووداوی هاتوچۆ بوو، لەدوای لێکۆڵینەوە لە رووداوەکە دەرکەوت لەژێر کاریگەری خواردنەوەی کهولی و بەهۆی پابەندنەبوون بە رێنماییەکانی هاتوچۆ تووشی رووداوەکە بووە.
کیری لەلایەن پۆلیسی وڵاتەکەیەوە تۆمەتبارکراوە بە بەرەنگاربوونەوەی هێزەکانیان هەر بۆیە لەدوای رووداوەکە راستەوخۆ دەستلەکارکێشانەوەی پێشکەش کردووە.
ئەو وەزیرەی نیوزلەندا بۆ رۆژنامەنووسان وتی، ناکرێت من وەزیری داد بم و بە پێشێلکردنی یاساکان تۆمەتباربکرێم بۆیە دەستبەرداری پۆستەکەم دەبم.
