نوسینگەی یاریدەدەری سەرۆکی زانکۆی سلێمانی بۆ کاروباری خوێندکاران بڵاویکردەوە، هەفتەی داهاتوو دەرماڵەی مانگێکی خوێندکاران دابەشدەکرێت.
نوسینگەی یاریدەدەری سەرۆکی زانکۆی سلێمانی بۆ کاروباری خوێندکاران لە روونکردنەوەیەکدا بڵاویکردەوە، “خوێندکارانی زانکۆی سلێمانی ئاگادار دەکەینەوە کە پشت بەست بە بڕیاری سەرۆکایەتی ئەنجومەنی وەزیران دەرماڵەی خوێندکارانی زانکۆی سلێمانی بەھۆی زۆری بڕی پارەی داواکراوەوە تەنھا رێکاری کارگێڕی و ژمێریاری ماوە”.
ئاماژەی بەوەشکرد، “وەک بەڵێنمان پێدراوە لەلایەن وەزارەتی خوێندنی باڵاوە لە پاش گەڕانەوەی رەزامەندی خەرجکردنی پارەی تەرخانکراو لە ھەفتەی داھاتوو بە ھاوکاری بانکی ناوەندی ھەرێم/ لقی سلێمانی راستەوخۆ دەرماڵەی مانگێک خەرجدەکرێت وپاشان مانگانە دەرماڵەکە بەردەوام دەبێت”.
