دەزگای ئاسایشی هەرێمی كوردستان لە رۆژانی جەژنی قوربانی پیرۆزدا، لەچوارچێوەی پلانێكی تۆكمەدا پێشوازی لە گەشتیاران دەكات.
ئاماژە بۆ ئەوەش كراوە، هێزەكانی ئاسایش لە پشووەكانی جەژنی قورباندا، لە دەروازە سنووریەكان و ناو شاردا، لەپێناو سەلامەتی هاوڵاتییان و بەرقەراركردنی ئاسایش و ئارامی بەردەوامدەبن لە جێبەجێكردنی ئەركەكانیان و پێشوازی لە گەشتیاران دەكەن.
دەزگای ئاسایشی هەرێم داوا لە سەرجەم هاوڵاتییان دەكات پابەندی ڕێكار و ڕێنماییە ئەمنییەكانبن، لەپێناو سەلامەتی و بەڕێكردنی كەشێكی ئارام لە رۆژانی جەژندا.
