پارێزگای بەسرە ئەمڕۆ یەکشەممە نیوەی پلەی کوڵانی تێپەڕاند، بەوەش بووبە گەرمترین شاری جیهان لە ماوەی 24 کاتژمێری رابردوودا.
وێستگەی پلاسیرڤێڵ لە کالیفۆرنیای ئەمریکا خشتەی ناوچە گەرمەکانی بڵاوکردەوە، لە 15 گەرمترین ناوچەی جیهان شاری بەسرەی عێراق بەرزترین پلەی گەرمای تێدا تۆمارکراوە.
بەپێی خشتەکە ناوچەی “حسێن بەسرە” گەرمترین ناوچەی جیهانە و سەروو 50 پلەی سەدی تێدا تۆمارکراوە، هەروەها ناوچەی ئەبادانی ئێران بە 49.8 پلەی سەدی لە دوای بەسرەوە دێت و لە پلەی دووەم گەرمترینی جیهاندایە.
