لە ناحیەی باوەخۆشێن، سێ کەس بەتۆمەتی راوکردنی باڵندەی کێوی دەستگیرکران، هاوکات دەستبەسەر 12 باڵندەی سوێسکەی راوکراودا گیرا.
بەڕێوەبەرایەتیی پۆلیسی دارستان و ژینگەی پارێزگای سلێمانی لە راگەیاندراوێکدا بڵاویکردەوە، بە ئامانجی پاراستنی سروشت و ژینگەی سنوورەکەیان مەفرەزەیەكی بنکەی پۆلیسی دارستانی باوەخۆشێن شەوی رابردوو بازگەیەكیان لە ناحیەی باوەخۆشێن دانا بە مەبەستی رێگریکردن لەو کەسانەی کە راوی ئاژەڵ و باڵندەی کێوی دەکەن.
باس لەوەش دەکات، لە ئەنجامدا سێ هاوڵاتییان بە تۆمەتی راوکردنی باڵندەی کێوی دەستگیر کرد کە 12 باڵندەی سوێسکەی راوکراویان پێبوو، هەروەها دەستبەسەر تۆڕێکی راوی باڵندە، لایتێک، یەک بارانگیر، و ئۆتۆمبێلێکدا گیرا.
پەڕاوی لێکۆڵینەوە رێکخراوە و رادەستی دادوەر کراوە بۆ وەرگرتنی رێکاری یاسایی.
