کشانەوەی یانەی ڕیاڵ مەدرید لە هەوڵەکانی بۆ کڕینی هاری کەین، دەرگای بە ڕووی سێ یانەی گەورەدا کردووەتەوە گرێبەستی لەگەڵدا واژۆ بکەن.
بەپێی کۆکراوەیەک لە زانیارییەکانی “لو پاریزیان و زە سەن”، یانەی شاهانەی مەدرید بە تەواوی لە هاوکێشەی هاری کەینی هێرشبەری تۆتنهام چووەتە دەرەوە، بەتایبەت دوای ئەوەی خوسێلۆ-یان لە یانەی ئیسپانیۆلەوە بە خواستن گواستەوە بۆ ڕیزەکانیان.
سەرچاوەکان ئاشکرایانکردووە، لە ئێستادا یانەکانی پاریس سان جێرمان لە فەرەنسا و مانچستەر یونایتد و چێڵسی لە ئینگلتەرا دانوستاندنیان بۆ واژۆکردنی گرێبەستی “شێرەکەی ئینگلتەرا” دەستپێکردووە.
لو پاریزیان نووسیویەتی، ناسڕ خلێفی خاوەنی سان جێرمان خۆی سەرپەرشتی گفتوگۆکان دەکات بۆ گواستنەوەی کەین، لەلایەکی دیکەوە مان یونایتد و چێڵسی لە ڕێگەی یاریزانە نێودەوڵەتییەکانی ئینگلتەراوە پەیوەندییان بە هێرشبەرەکەی تۆتنهامەوە کردووە.
