قائیمقامیەتی سلێمانی ژمارەیەکی نوسینگەی دیکەی مامەڵەی پاسپۆرتیان داخستب بەهۆی ئەوەی خۆیان بانگی هاوڵاتییان دەکەن کە کاریان بۆ بکەن و ئەوەش پێچەوانەی رێنماییەکانە.
رێکان جەمال سەرۆکی لیژنەکانی قائیمقامیەت رایگەیاند، بەهۆی کارکردنی بەدەر لە رێنماییەکان، لیژنە هاوبەشەکان نوسینگەکانی (وڵیان، لڤین، مێلا، چەمی رێزان)ی تایبەت بە مامەڵەی پاسپۆرتیان لەنزیک بەرێوبەرایەتیی پاسپۆرتی سلێمانی داخست.
رێکان جەمال باسی لەوەکردووە، ئەو نوسینگانەی کە لەم چەند رۆژەدا داخراون بەهۆی ئەوەوە بووە کە شاگردەکانیان بانگی هاوڵاتییان دەکەن بۆئەوەی مامەڵەیان بۆبکەن، لەکاتێکدا ئەو کارە پێچەوانەی رێنماییەکانە.
دەشڵێت، چەند جارێک ئەو نوسینگانە ئاگادارکراونەتەوە و بەڵێننامەیان پێ پڕکراوەتەوە، هەربۆیە رێکارەکان توند دەکەینەوە و رێگە بەکردنەوەیان نادەین هەتا ئەوکاتەی پابەند دەبن.
