دوو ڕووبەرووبوونەوەی گرنگی خولی نایابی ئینگلتەرا ئەنجامدران، مانچستەر یونایتد بردنەوەی تۆمارکرد و لیڤەرپوڵ شکستیهێنا.
ئەمڕۆ شەممە، لە چێوەی یارییەکانی هەفتەی (37)ی خولی نایابی ئینگلتەرا، یانەی لیڤەرپوڵ لە یاریگای خۆیدا “ئانفێڵد ڕۆد” میوانداریی ئەستۆن ڤێلای کرد، یارییەکە بە ئەنجامی یەکسانبوون (1-1) کۆتاییهات.
گۆڵەکەی “ڤێلانس” لە خولەکەکانی 27 لەلایەن ئولی واتکینزەوە تۆمارکرا، گۆڵەکەی لیڤەرپوڵ لە خولەکی 89 لەلایەن ڕۆبێرتۆ فێرمینۆ-وە تۆمارکرا.
لە یارییەکی دیکەدا، مانچستەر یونایتد بووە میوانی یانەی بۆرنمۆس، یارییەکە بە بردنەوەی مانچستەر یونایتد بە ئەنجامی گۆڵێکی بێوەڵام کۆتاییهات.
گۆڵەکەی “ڕێد دێڤڵز” لە خولەکی نۆ لەلایەن کاسیمێرۆ-وە تۆمارکرا.
بەپێی ئەنجامە تۆمارکراوەکان، مانچستەر یونایتد بە (69) خاڵەوە لەگەڵ نیوکاسڵ هاوتابووەوە و لە پلەی چوارەمی ڕیزبەندیی پریمەرلیگ جێگیربوو، لە بەرامبەردا یانەی لیڤەرپوڵ بە (66) خاڵەوە لە پلەی پێنجەمدا وەک هەفتەکانی ڕابردوو بەردەوامبوو.
