شۆفێری ناوداری ئیسپانی، فێرناندۆ ئەلۆنسۆ خۆشحاڵە بە گەڕانەوەی بۆ بواری فۆرمولا 1 و وەرزی داهاتوو بەهەمان گوڕوتینەوە بەردەوام دەبێت.
ئەلۆنسۆ وەرزی ڕابردوو لە بواری فۆرمولای کارەباییەوە گەڕایەوە بۆ فۆرمولا 1 و لەگەڵ تیمی ئالپین ڕینۆ دەستبەکاربوو، لەئێستادا ئامادەکاری دەکات بۆ کێبڕکێکانی ساڵی 2022 و خۆشحاڵبوونی خۆی دەردەبڕێت.
شۆفێرە ناودارەکەی ئیسپانیا بە میدیاکانی ڕاگەیاندووە، “هەست بە هێز و ویستی کێبڕکێکردن دەکەم لە دەرەوە و ناوەوەی یاریگا، هەرچییەک پەیوەندی بە فۆرمولا 1ــەوە هەبێت، ئامادەم بۆ کێبڕکێ و ماندوبوون لەماوەی 365 ڕۆژی داهاتوودا”.
ئەلۆنسۆ لەئێستادا بۆ تیمی ئالپین ڕینۆ شۆفێری دەکات، پێشتریش لە ساڵانی 2005 و 2006 ناسناوی پاڵەوانی جیهانی بەدەستهێناوە، حاڵی حازر لە ئەستوریاس – ئیسپانیا ماوەی 10 ڕۆژ پشووی وەرگرتووە، دوای پشوودان ڕاستەوخۆ دەگەڕێتەوە بۆ ئامادەكارییەكانی کێبڕکێکانی وەرزی 2022.
