وەزارەتی تەندروستیی عێراق بڵاویکردەوە، ژمارەی تووشبووان بە تای خوێنبەربوون لە بەرزبوونەوەدایە و 18 کەسیش گیانیان لەدەستداوە.
سەیف بەدر وتەبێژی وەزارەتی تەندروستیی عێراق رایگەیاند، “ژمارەی تووشبووان بە تای خوێنبەربوون بۆ 119 کەس بەرزبووەتەوە و 18 کەسیش گیانیان لەدەستداوە”.
ئاشکراشیکرد، “زۆرینەی تووشبووان و مرووان بە پەتاکە لە پارێزگای زیقار بوون دوای ئەویش بەسرە و میسان و موسەنا و نەجەف و بەغداد و سەڵاحەدین و دیالە بوون”.
داوایشیکرد، “ئاژەڵدارەکان و گۆشتفرۆشەکان پابەندی رێکارەکانی خۆپارێزی لە نەخۆشییەکە بن و وەزارەتی ناوخۆ کۆنتڕۆڵی هاتوچۆی ئاژەڵ بکەن لە نێوان پارێزگاکاندا”.
