بەڕێوەبەرایەتیی ئاوی سلێمانی دەڵێت، “هاوڵاتییان ئاگاداردەکەین لێخۆشبوونی 15%ـی قەرزی ئاو تا 10/6/2023 درێژکرایەوە”.
دوای بڕیارەكەی دوێنێی بەڕێوەبەرایەتیی گشتیی ئاو و ئاوەڕۆی هەرێم بە درێژكردنەوەی ماوەی لێخۆشبوونی رێژەیی لە قەرزی ئاو، بەڕێوەبەرایەتیی ئاوی سلێمانی بڕیارەكەی خستە بواری جێبەجێكردنەوە و بەپێی راگەیەندراوێكی بەڕێوەبەرایەتییەكە كە ئەمڕۆ چوارشەممە بڵاویكردووەتەوە، لێخۆشبوونی رێژەی 15%ـی قەرزی ئاو كە لەسەر هاوڵاتییان كەڵەكەبووە، تا رۆژی 10ـی مانگی حوزەیرانی داهاتوو درێژكراوەتەوە.
پێشتر بەڕێوەبەرایەتیی ئاوی سلێمانی چەند جارێك دوایین وادەی بۆ پاكتاوكردنی قەرزەكانی سەر هاوڵاتییان دیاریكردبوو، داوایكردبوو هاوڵاتییان لە ماوەی دیاریكراودا قەرزەكانیان پاكتاوبكەن بۆ ئەوەی لە لێخۆشبوونی 15%ـی قەرزەكان سوودمەندببن.
