ئەنجومەنی زانکۆی سلێمانی ڕایگەیاند، بەهۆی کەشوهەوا و بەستنی ڕێگاوبانەکان بڕیاریانداوە تاقیکردنەوەکانی ڕۆژانی شەممە و یەکشەممەی خوێندکارانی زانکۆ دوابخرێن بۆ ڕۆژی دووشەممە و ڕۆژانی دواتر.
لە ڕاگەیەندراوەکەی زانکۆی سلێمانیدا هاتووە، لە ڕۆژی دووشەممە و ڕۆژانی دواتردا بەپێی خشتەی کۆلێژەکان تاقیکردنەوەکان بەردەوامدەبن، لەگەڵ ئەوەشدا دەوامی زانکۆ لە ڕۆژی یەکشەممەوە دەستپێدەکاتەوە.
بڕیارەکانی ئەنجومەنی زانکۆی سلێمانی:
- دواخستنی تاقیکردنەوەکانی ڕۆژانی شەممە و یەک شەممە لە سەرجەم کۆلێجەکان بۆ ڕۆژی دووشەممە و ڕۆژانی دواتر بەپێی ئەو خشتەیەی کە کۆلێژەکان خوێندکارانی خۆیانیان لێئاگاداردەکەنەوە.
- لە ڕۆژی شەممەوە بەشە ناوخۆییەکانی زانکۆ بە ڕووی خوێندکارانی دەرەوەی شاردا دەکرێنەوە.
- ئەو وانانەی کە بەھۆی سەختیی کەشوھەواوە نەخوێندراون بەشێوەی ئەلکترۆنی لەناو کلاس ڕوومەکان بخوێندرێن.
- ھەموو لایەک ئاگاداربن کە ڕۆژی یەکشەممە دەوامی زانکۆی سلێمانی ئاسایی دەبێت.
