ئاسایشی هەرێم دوو بازرگانی ماددەی هۆشبەری دەستگیرکرد

دەستگرتن بەسەر ماددەی هۆشبەردا فۆتۆ: ئەرشیف

دەزگای ئاسایشی هەرێمی کوردستان دەستگیرکردنی دوو بازرگانی ماددەی هۆشبەری راگەیاند کە یەکێکیان لە رەگەزی مێیە و دەستیش بەسەر بڕێکی زۆر ماددەی هۆشبەردا گیراوە.

لە راگەیەندراوێکدا دەزگای ئاسایشی هەرێمی کوردستان رایگەیاند، ئاسایشی راپەڕین دوو بازرگانی ماددەی هۆشبەری دەستگیرکردووە  و دەستگیراوە بەسەر بڕێکی زۆر ماددەی هۆشبەردا لە جۆرە جیاوازەکان.

ئەو دوو تۆمەتبارە ناسنامەیان لەلایەن ئاسایشی هەرێمەوە ئاشکرا کراوە بە ناوەکانی، ( ک. م. ق ) لە رەگەزى مێ، ( ح. م. م) لە رەگەزى نێر.

هەروەها دەزگای ئاسایشی هەرێم ئاشکرایکردووە کە لە کاتی دەستگیرکردنی ئەو دوو تۆمەتبارەدا، دەستگیرا بەسەر بڕى (24.195) گرام لە جۆرە جیاوازەکانی ماددەى هۆشبەر کە مەبەستیان بووە بازرگانیی پێوەبکەن.

جۆر و بڕی ماددە هۆشبەرەکان کە لەلایەن ئاسایشی هەرێمەوە بڵاوکراوەتەوە بەمجۆرەن:

‌‎- بڕى (18.500) گرام  ماددەی کریستاڵ

– بڕى (4.500) گرام ماددەی حەشیش

– بڕى (195) گرام  ماددەی جامایکاى گیایی

– بڕى (1000) گرام  ماددەی هێرۆین

تۆمەتباران بە ماددەى 26 لە یاساى ( بەرەنگاربونەوەى ماددە هۆشبەرەکان و کارتێکەرە ئەقڵیەکان ) راگیراون و لێکۆڵینەوە لە دۆسیەکان بەردەوامە .

بابەتی پەیوەندیدار
زیاتر ببینە

پارێزەری زیندانییانی بادینان: ئەو رۆژنامەنووسانە لە سلێمانی بوونایە بە سێ ڕۆژ ئازاد دەکران

ئەو چالاکوان و ڕۆژنامەنووسانەی بادینان کە لە هەولێر دەستگیرکراون، سەرجەمیان ماوەی دەستگیرکردنیان کۆتاییهاتووە، بەڵام ئازادناکرێن، پارێزەرەکەیان دەڵێت، ئەوە…
زیاتر ببینە

ئاگادارییەك لە شارەوانیی سلێمانییەوە بۆ ئەو كەسانەی خانوو و باڵەخانەكانیان نۆژەندەكەنەوە

سەرۆكایەتیی شارەوانیی سلێمانی ئاگاداری سەرجەم هاوڵاتییان دەكات بەكارهێنانی شەقامەكان بۆ دانانی كەرەستەی بینا رێگاپێدراو نییە. لە راگەیەندراوەكەی شارەوانیی…
Total
0
Share