ئەمڕۆ چوارشەممە، 15ـی تەمموز، لاڤە حیکمەت، سەرپەرشتیاری یەکێتیی ژنانی کوردستان، لەگەڵ د. سەباح هەورامی، بەڕێوەبەری گشتیی تەندروستیی سلێمانی، یاداشتنامەی لێکتێگەیشتنی بۆ دەستپێکردنی پڕۆژەی نۆژەنکردنەوەی نەخۆشخانەی ژنان و منداڵبوونی سلێمانی واژووکرد.
ئەم پڕۆژەیە، کە یەکێتیی ژنان خاوەندارێتی و سەرپەرشتیی دەکات، بۆ چارەسەرکردنی کێشە بنەڕەتییەکانی نەخۆشخانەکەیە، لەوانە: نۆژەنکردنەوەی 6 هۆڵی منداڵبوون، ژوورەکانی نەشتەرگەری و تەعقیم، و باشترکردنی سەرجەم وردەکاریی باڵەخانەکە.
پڕۆژەکە لەپێناو دابینکردنی ژینگەیەکی تەندروست و سەلامەتترە بۆ دایکان و منداڵان و خزمەتی زیاتری هاوڵاتییان.
