لە پەکینی پایتەختی چین ئاگر لە نەخۆشخانەیەکدا کەوتەوە و بەهۆیەوە 21 کەس لەناو نەخۆشخانەکەدا گیانیان لەدەستدا.
رۆژنامەی پەکین دەیلی بڵاویکردەوە، بەهۆی ئاگرکەوتنەوە لە بەشی رۆژهەڵاتی نەخۆشخانەیەک لە پایتەختی چین، 21 کەس گیانیان لەدەستداوە.
ڕۆژنامەکە بڵاویکردەوە، ئاگرەکە لە نەخۆشخانەی چانگ ڤێنگ لە نزیکەی کاتژمێر 12:57 خولەکی شەو بەکاتی ناوخۆ کەوتووەتەوە و دوای نزیکەی کاتژمێرێک کوژێنراوەتەوە.
تیمەکانی فریاکەوتن توانیویانە 71 کەس رزگاربکەن.
ئاماژە بەوە کراوە، کە ژمارەیەک لەوانەی لە نەخۆشخانەکەدا بوون بۆ خۆ رزگارکردن لە پەنجەرە و پلیکانەی نەخۆشخانەکەوە خۆیان هەڵداوەتە خوارەوە.
