رۆژی 1ی کانوونی یەکەمی هەموو ساڵێک بە رۆژی جیهانیی بەرەنگاربونەوەی نەخۆشیی ئایدز دەستنیشانکراوە.
رۆژەکە لەلایەن رێکخراوی نەتەوە یەکگرتووەکانەوە دەستنیشانکراوە و ئامانج لێی هۆشدارییدانە بە مرۆڤایەتی بە ئامانجی خۆپاراستن لە نەخۆشییەکە.
ئامانجی نەتەوە یەکگرتووەکان کۆتاییهێنانە بە نەخۆشیی ئایدز تاوەکو ساڵی 2030.
نەتەوە یەکگرتووەکان دەڵێت، ئایدز هێشتا هەڕەشە لە مرۆڤایەتی دەکات و پێویستە رێبازێکی نوێ بگیرێتەبەر کە کاریگەرتر بێت لە کەمکردنەوەی مەترسییەکان و دروستکردنی دەرفەت بۆ بەدەستهێنانی دەرئەنجامە خوازراوەکان.
دەشڵێت، ئەرکی وڵاتانە کە بە بوێری بەرنامەکانی ئایدز دابڕێژنەوە و پارە دابینبکەن بۆ ئەوەی گۆڕانکاریی راستەقینە بێتە ئاراوە.
