وڵاتی سعودیە گەورەترین بەرەوپێشچوونی لەسەر ئاستی وڵاتانی رۆژهەڵاتی ناوەڕاست و باکوری ئەفریقا تۆمارکردووە لەبواری گەشتیاریدا و راپۆرتێکی کۆڕبەندی ئابوری جیهانی ئاماژەی بەوەکردووە سعودیە نۆ پلە بەرزبووەتەوە.
لەسەر ئاستی جیهانی، سعودیە لە رووی زۆری ژمارەی گەشتیارانەوە پلەی 41ی گرتووە بە گوێرەی نوێترین راپۆرتی کۆڕبەندی جیهانی و لەنێو وڵاتانی ناوچەکە ئیماڕات بوونی هەبووە، کە پلەی 18ی لەسەر ئاستی جیهان تۆمارکردووە و لەسەر ئاستی وڵاتانی ناوچەکە لە پلەی یەکەمدایە، بەڵام سعودیە گەشەسەندنی بەرچاوی بەخۆیەوە بینیووە.
لە راپۆرتی پێوەرەکانی گەشەپێدانی گەشتیاری و گەشتوگوزار بۆ ساڵی 2024 ئاماژە بەوەکراوە، کەرتی گەشتیاری و گەشتوگوزار لە وڵاتانی خاوەن داهاتی بەرز لە ناوچەکە و بەتایبەت وڵاتانی ئەنجومەنی هاریکاری کەنداو سودمەندن لە چەند هۆکارێک لەوانە کوالیتی ژێرخانی گەشتیاری و گواستنەوە و ئاستی بەرز لە ئاسایش و سەلامەتی کەسی.
