مەڵبەندی هەولێری یەكێتی: داوەتکەرانی جەندرمە خاکفرۆشن

مەڵبەندی هەولێری یەكێتی رایدەگەیەنێت، خاکفرۆش ئەوەیە کە رێگەی خۆشکردووە جەندرمە رۆژانە هاوڵاتییان شەهید بکات و دارستانەکان ببڕێتەوە و ژینگەی کوردستان وێران بکات.

مەڵبەندی 3ی هەولێری یەكێتیی نیشتمانیی كوردستان راگەیەندراوێكی لەژێر ناوی (داوەتکەرانی جەندرمە خاکفرۆشن) بڵاوكردەوە و رایگەیاند، “خاکفرۆش ئەوانەن کە زیاتر لە سەد بنکە و بارەگا و قەرەقولی جەندرمەی توركییان هێناوەتە سنووری پارێزگاکانی هەولێر و دهۆك. خاکفرۆش ئەوەیە کە رێگەی خۆشکردووە جەندرمە رۆژانە هاوڵاتییان شەهید بکات و دارستانەکانیش ببڕێتەوە و ژینگەی کوردستانیش وێران بکات”.

دەشڵێت، قسە و هەڵسوکەوتەکانی سەرۆکی کابینەی نۆ، لەڕووی سیاسی و ئابوری و دیپلۆماسی و تەنانەت لە کاری پێکەوەییشدا، هەرێمی کوردستانی بەرەو تونێلێکی تاریك پەلکێشکردووە.

ئەوەی ئێستا لە هەرێمدا روودەدات، پێشێلکردنێکی تەواوی ئاکاری دەوڵەتداری هاوکێشە تیۆریی و سیاسیەکانیشە، وەك ئەوەی لە بەشێكی دیكەی راگەیەندراوەكەدا هاتووە و دەشپرسێت، حوکمڕانە تاکڕەوەکەی هەرێم، هەموو کات لەبەردەم قاپی بەغداد کەوتووە دەبێ شانازی بەچییەوە بکات؟

دووپاتیشیدەكاتەوە، کارەکانی، جگە لە تێکدان و نەهێشتنی تایبەتمەندیە سیاسییەکەی هەرێمی کوردستان كە لە عێراق هەیبوو، چی دیکەی لە هەگبە بەتاڵەکەیدا ماوە بۆ فڕێدان؟ لەسەر ئاستی دنیاشدا، خەریکە هەموو دۆستە پشتیوانەکانیش دووردەخاتەوە. لەسەر ئاستی ناوخۆشدا، تەبایی و یەکڕیزییەکەی بەرەو هەڵدێران بردووە، خەریکە هەموو پەیوەندییەکان سفر دەکاتەوە.

لە كۆتایشیدا مەڵبەندی 3ی هەولێری یەكێتی ئاماژەدەدات، (مەسرور بارزانی) لەباری ئابوریشەوە هەموو سەرچاوەکانی داهات و قوتی خەڵکی کوردستان و مووچەی مامۆستا و پێشمەرگە و ئاسایش و پۆلیسی گەیاندۆتە بنبەستێکی تاریك.

بابەتی پەیوەندیدار
زیاتر ببینە

وتەبێژی دەزگای مینی هەرێمی کوردستان: %65ی ناوچە مینڕێژکراوەکانمان لە مین پاککردووەتەوە

وتەبێژی دەزگای مینی هەرێمی کوردستان ڕایدەگەیەنێت، بەشی زۆری ناوچە مینڕێژکراوەکانمان لە مین پاککردووەتەوە. تالیب خالید، وتەبێژی سەرۆکایەتیی دەزگای…
زیاتر ببینە

كۆمپانیای نەوتی باكوور: حكومەتی هەرێم لە ڕێگای هێزێكەوە دەستیگرت بەسەر دوو بیرە نەوتی كەركوكدا

كۆمپانیای نەوتی باكوور ڕایدەگەیەنێت، “حكومەتی هەرێم لە ڕێگای هێزێكەوە دەستیگرت بەسەر دوو بیرە نەوتی كەركوكدا”. سەرچاوەیەك لە كۆمپانیای…
زیاتر ببینە

لە سلێمانی تا ئێستا دابەشكردنی مووچەی مانگی دوو بەكۆتانەهاتووە.. لە سبەینێوە ‏دەستپێدەكاتەوە

بەڕێوەبەری گشتیی ڕۆشنبیری و هونەری سلێمانی ڕایدەگەیەنێت، تائێستا فەرمانبەرەكانیان مووچەی مانگی دوویان وەرنەگرتووە، بەڕێوەبەری خانەنشینیی پێشمەرگە لە سلێمانی…
Total
0
Share