وەزارەتی پلاندانانی عێراق، ئەنجامی بنەڕەتیی سەرژمێریی گشتیی دانیشتووانی عێراق و هەرێمی کوردستانی بڵاوکردەوە.
بەپێی ئامارەکان، %41.6ی دانیشتووانی عێراق و هەرێم سینگڵن و %54.01ی دانیشتووان هاوسەردارن.
ئەمڕۆ 24ی شوباتی 2025، وەزارەتی پلاندانانی عێراق لە كۆنگرەیەكی رۆژنامەوانیدا ئەنجامی بنەڕەتیى سەرژمێریی گشتی ئاشكراكرد و رایگەیاند، ژمارەی دانیشتووانی هەرێم شەش ملیۆن و 503 هەزار کەسە.
وەزارەتەکە ئەوەشی خستەڕوو، ژمارەی دانیشتووانی هەرێمی كوردستان بە رێژەی 3% بەرزبووەتەوە و، دانیشتووانی هەرێم 15%ى دانیشتووانی عێراق پێكدەهێنن.
