بانكی ناوەندیی عێراق، بڕی دۆلاری فرۆشراوی ئەمڕۆی ئاشكراكرد كە زۆرینەی بە شێوەی حەواڵە فرۆشراوە.
بەپێی راگەیەندراوێكی بانكی ناوەندیی عێراق، ئەمڕۆ یەکشەممە بانكەكە لە زیادکردنی ئاشکرادا زیاتر لە 174 ملیۆن و 600 هەزار دۆلاری ئەمریكیی فرۆشتووە.
لەو بڕە دۆلارەی ئەمڕۆ فرۆشراوە، زۆرینەی بە شێوەی حەواڵە بووە، بە جۆرێك كە ئەمڕۆ 140 ملیۆن و 36 هەزار و 610 دۆلار لە رێگەی حەواڵەوە فرۆشراوە، وەك راگەیەندراوەكەی بانكی ناوەندیی عێراق ئاشكرایكردووە.
ئاماژەی بۆ ئەوەش كردووە كە ئەمڕۆ بانكی ناوەندی 34 ملیۆن و 300 هەزار دۆلاری بە شێوەی كاش فرۆشتووە و بەوەش كۆی دۆلاری فرۆشراوی ئەمڕۆ، بریتییە لە 174 ملیۆن و 626 هەزار و 610 دۆلار.
