شاندەكەی حكومەتی هەرێم لەگەڵ سەرۆککۆماری عێراق كۆبووەوە

لە كۆشكی سەلام لە بەغداد شاندەكەی حكومەتی هەرێم لەگەڵ سەرۆککۆماری عێراق و بە ئامادەبوونی فراكسیۆنە كوردییەكان كۆبووەوە، لە كۆبوونەوەكەدا پرسی ڕێككەوتنی نێوان هەرێم و بەغداد تاووتوێكرا.

بەگوێرەی ڕاگەیەندراوێكی سەرۆكایەتیی كۆماری عێراق، ئەمڕۆ پێنجشەممە 17ی كانونی یەكەم بەرھەم ساڵح، سەرۆککۆماری عێراق لە بەغداد پێشوازی لە قوباد تاڵەبانی، جێگری سەرۆکوەزیرانی ھەرێمی کوردستان و سەرۆکی شاندی دانوستانکاری ھەرێم بۆ بەغداد و بەشیر حەداد، جێگری سەرۆکی پەرلەمانی عێراق و سەرۆکی فراکسیۆنە کوردییەکان.

ئاماژە بەوەشكراوە، سەبارەت بە دوایین گۆڕانکارییەکانی دانوستانی نێوان شاندی ھەرێمی کوردستان و حکومەتی فیدراڵ گفتوگۆکرا.

سەرۆكایەتیی كۆمار ئەوەشی خستوەتەڕوو، “لە دیدارەکەدا بە گرنگییەوە جەختکرایەوە لە گەیشتن بە ڕێگاچارەی گونجاو و بنەڕەتی بۆ کۆتایی ھێنان بە کێشە ھەڵپەسێردراوەکانی نێوان ھەردوو حکومەتی ھەرێمی کوردستان و حکومەتی فیدراڵی لەسەر بنەمای دەستوور و یاسا و پاراستنی بژێویی ژیانی موچەخۆران و ھاوڵاتییانی ھەرێمی کوردستان وەک سەرجەم ھاوڵاتییانی دیکەی عێراق بێ جیاوازی”.

لە بەشێکی دیکەی دیدارەکەدا بەرھەم ساڵح جەختیکردەوە لە “گرنگی دۆزینەوەی چارەسەری بنەڕەتی و گشتگیر بۆ کێشەکانی خەڵک و کۆتایی ھێنان بە قەیرانی موچەی موچەخۆرانی ھەرێمی کوردستان و دابینکردنی شایستە داراییەکان بەپێی دەستوور بۆ ھەموو پێکھاتە و ناوچەکان دوور لە ململانێی سیاسی و کێشمەکێش”.

بابەتی پێشتر

‘ئەوانەی بەهای دۆلاریان بەرزكردووەتەوە هەڵوێستی یەكلاییكەرەوەمان بەرامبەریان دەبێت’

بابەتی دواتر

تیروپشک کرا.. جامی سوپەری ئیسپانیا دووبارەی هەفتەی 19ی لالیگا دەبێت

بابەتی پەیوەندیدار
زیاتر ببینە

دابەشكردنی پارەی توێژێك پێشخرا

وەزارەتی بازرگانی، دابەشكردنی شایستەی جوتیارانی پێشخست. لە ماوەی رابردوودا و پێش دەستپێكردنی وەرزی دروێنەكردنی گەنم و جۆ، بە…
Total
0
Share