ئەمڕۆ یەکشەممە 9 ی نیسانی 2023، 20 ساڵ بەسەر ئازادکردنی عێراق لە دەستی رژێمی پشووی عێراق تێدەپەڕێت.
لەدوای ئەوەی لە 20ی ئازاری ساڵی 2003 هێرشی ئاسمانی هێزەکانی ئەمریکا و بەریتانیا و هاوپەیمانان بۆ سەر بنکە و بارەگاکانی رژێمی بەعسی پێشوو دەستیانپێکرد، لە رێکەوتی 9 ی نیسان کۆنتڕۆڵکردن و ئازادکردنی تەواوی عێراقیان راگەیاند.
رووخاندنی پەیکەری سەدام لە مەیدانی فیردەوس پەیامی رووخاندنی رژێمە 33 ساڵەییەکەی بوو.
لە پرۆسەی ئازادکردنی عێراقدا جگە لە هێزەکانی ئەمریکا هێزی بەریتانیا و ئوستورالیا و پۆڵەندا و ئیتاڵیا و ئیسپانیا بەشداریی و پاڵپشتیی کۆی ئەو پرۆسەیەیان کرد.
دوای تێپەڕبوونی زیاتر لە 20 رۆژیش، لە رێکەوتی 1 ی ئایار ئەمریکا کۆتاییهاتنی پرۆسەکەی راگەیاند.
