فەرماندەی هێـ.ـزەکانی سـ.ـوریای دیمـ.ـوکرات، پێشوازی لە د. مورشید خەزنەوی، کەسایەتیی ئایینی دیاری رۆژئاوای کوردستان، کرد لە قامیشلۆ و لە دیدارەکەدا دۆخی ناوچەکە و یەکێتیی کوردان لە قۆناغی نوێی ناوچەکە باس کران و مەزڵوم عەبدی رایگەیاند، “پێویستە یەکێتیی کورد بۆ کورد بڕیار بدات”.
د. مورشید خەزنەوی لەسەر دیدارەکە رایگەیاند، هەنگاوەکانی مەزڵوم عەبدی و هێزەکانی سوریای دیموکرات بۆ یەکێتیی کوردان لە رۆژئاوای کوردستان هەڵوێستێکی ئەرێنییە و سەرەڕای ئەوەی داوای دیداری لە ئەنەکەسە کردووە، بەڵام ئەوان ئامادەنەبوون وەڵامی دیدارەکە بدەنەوە.
د. مورشید خەزنەوی ئاماژەی بەوەشکرد، مەزڵوم عەبدی رایگەیاند، پێویستە یەکێتیی کورد بڕیار بۆ کورد بدات و هەڵوێستەکەی جێگەی دەستخۆشی و ستایشە، د. مورشید خەزنەوی وتیشی، “من هاتووم ئەو کەسانە ئاشکرا بکەم کە کاری خراپ دەکەن.”
ناوبراو دووپاتیشیکردەوە، رووداوەکانی دەوروبەری کۆبانێ نیشانی دەدەن کە دەبێت یەکگرتوو بین و پاراستنی کۆبانێ ئەرکی هەموو لایەکمانە.
