هەڤاڵ ئەبوبەکر رایگەیاند، یەکێتی داوای لێنەکردووە ببێتەوە بە پارێزگاری سلێمانی و چەندین جاریش داوای دەستلەکارکێشانەوەی کردووە.
هەڤاڵ ئەبوبەکر پارێزگاری سلێمانی لە کۆنگرەیەکی رۆژنامەوانیدا رایگەیاند، “پرسی ئاڵوگۆڕی پارێزگای سلێمانی، تەنها پرسێکی سیاسی نییە، پرسێکی یاسایی و کارگێڕیشە، بەشێکی پەیوەستە بە هەڵبژاردنەوەی ئەنجومەنی پارێزگاکان لە هەرێمی کوردستان”.
ئاماژەی بەوەشکرد، “سێ جار بە رەسمی و دەیان جار بە نارەسمی داوامکردووە ئاڵوگۆڕ لە پۆستی پارێزگاری سلێمانیدا بکەن”.
جەختیشیکردەوە، “پرسی بوونەوەم بە پارێزگاری سلێمانی نە لە ئاستی باڵای یەکێتی باسکراوە نە پرس و را بەکەس کراوە”.
