لە سێ هێرشی تەقەکردندا کە پەیوەندییان بە ماددە هۆشبەرەکانەوە هەبووە لە ناوچەکانی باکوری شاری مارسیلیای فەرەنسا، سێ کەس کوژراون و ژمارەیەکی دیکە برینداربوون.
پۆلیسی مارسیلیا رایگەیاند، رووداوی تەقەکردنەکانی ئەمڕۆ دووشەممە سێ کوژراو و شەش برینداری لێکەوتووەتەوە کە دۆخی تەندروستیی دووان لە بریندارەکان ناجێگیرە.
بەپێی بەدواداچوونەکانی پۆلیس، چوار کەس بە گومانی پەیوەندی بە یەکێک لەو روودانە دەستگیرکراون.
یەکەم تەقەکردن دوای نیوەی شەو بەکاتی ناوخۆی فەرەنسا لە نزیک شاری کاستیلاس روویدا، دواتر رووداوێکی تەقەکردنی دیکە لە تەنیشت ڕێگای خێرای A7 لە نزیک شاری ئایگلادز روویدا، لەو رووداوەدا پۆلیس دوو کوژراوی یەکەمی دۆزیەوە کە تەمەنیان لە نێوان 23 بۆ 29 ساڵدایە و شەش برینداری لێکەوتەوە.
بەپێی ئامارەکانی داواکاری گشتی فەرەنسا، ئەو رووداوانەی تەقەکردن کە لە سەرەتای ئەمساڵەوە لە مارسیلیا روویانداوە، چەندین قوربانیی لێکەوتووەتەوە، دوای ئەوەی لە ساڵی 2022دا رێژەیەکی زۆر قوربانی تۆمارکراوە، کە 32 کەس لەو رووداوانەدا کوراون.
