دۆناڵد ترەمپ، سەرۆکی ئەمریکا کشانەوەی وڵاتەکەی لە دانوستانەکانی ئاگربەستی غەززە راگەیاند.
ترەمپ لە لێدوانێکدا بە رۆژنامەنووسانی راگەیاند، ئێمە لە دانوستانەکانی ئاگربەستی غەززە کشاینەوە و پێموایە حەماس بەمزووانە دەڕووخێت.
وتیشی، حەماس دەزانێت دوای گەڕاندنەوەی بارمتەکانی ئیسرائیل چی روودەدات، هەر بۆیە نایانەوێت بگەنە رێککەوتن، دەبێت شەڕ بەردەوامبێت و حەماسیش لەناوببرێت.
ئاماژەی بەوەشکرد، قسەکانی ماکرۆن لەبارەی دانپێدانانی دەوڵەتی فەڵەستین، بێبەهان و هیچ مانایەکیان نییە.
