ئه‌مشه‌و یەکشه‌ممه، یارییەکانی هه‌فته‌ی (28)ی خولی پله یه‌کی ئیتاڵیا بەردەوامییان هەبوو، یانه‌ی ڕۆما بردنه‌وه‌یه‌کی گرنگی به‌رامبه‌ر سامپدۆریا تۆمارکرد.
یانەی ڕۆما له یاریگای خۆیدا “ئۆڵێمپیکۆ” میوانداریی یانەی سامپدۆریای کرد.
یارییەکە به ئه‌نجامی سێ گۆڵی بێبه‌رامبه‌ر له به‌رژه‌وه‌ندیی ئەستێرەکانی جوزێ مۆرینیۆ کۆتاییهات.
گۆڵه‌کانی “جێلاڕۆسی” له خوله‌کەکانی 57، 88، 90 له‌لایه‌ن جۆرجینیۆ ڤایناڵدوم، پاولۆ دیبالا، ستیفان شەعراوی-یەوە تۆمارکران.
بەو بردنەوەیە، یانه‌ی گورگەکانی ڕۆما ژماره‌ی خاڵه‌کانی گه‌یانده (50) و چووە پلەی چوارەمی ڕیزبه‌ندیی خولی ئیتاڵیا، لە ئێستادا لەگەڵ ئینتەر میلانی سێیەمی ڕیزبەندیدا لە ژمارەی خاڵەکاندا هاوتان، بەڵام جیاوازی گۆڵ پلەکانیان جیادەکاتەوە، هەروەها ئەنجامی یاریی نێوان ناپۆلی و میلان کە ئەمشەو ئەنجامدەدرێت، کاریگەری لەسەر پێگەی یانەکەی مۆرینیۆ دەبێت.
