وەزارەتی نەوتی عێراق رایگەیاند، بڕیاریداوە بەرهەمهێنانی نەوت بە بڕی 211 هەزار بەرمیلی رۆژانە كەمبكاتەوە.
بڕیارەكە لە مانگی ئایاری داهاتووەوە جێبەجێدەكرێت و تا كۆتایی ئەمساڵ دەخایەنێت، جگە لە عێراق هەریەك لە سعودیە، ئیمارات، كوەیت، روسیا و جەزائیر بەرهەمهێنانی نەوت كەمدەكەنەوە.
بەپێی راگەیەندراوی وەزارەتی نەوتی عێراق، كەمكردنەوەی بەرهەمهێنانی نەوت خۆویستانەیە و ئامانجی بەرەنگاربوونەوەی ئەو ئاڵنگارییانەیە كە رووبەڕووی بازاڕی جیهانیی نەوت بوونەتەوە، هەوڵێكیشە بۆ بەدیهێنانی هاوسەنگی لە نێوان خواست و خستنەڕوو و سەقامگیرهێشتنەوەی نرخدا.
