زۆرینەی مرۆڤەکان لە ژیانی رۆژانەیاندا تووشی حاڵەتی تووڕەیی و کاردانەوە نواندن دەبن، بەڵام مەرج نییە هەموو ئەم تووڕەبوونانە نائاسایی بن.
جگە لەو توڕەبوونە ئاساییانەی زۆرینەمان رۆژانە بەسەرماندا دێت، جۆرێک تووڕەبوون هەیە نائاساییە و “تووڕەبوونی لەڕادەبەر”ی پێدەوترێت کە پێویستی بە راوێژی پزیشک و وەرگرتنی چارەسەرە.
تووڕەبوونی لەڕادەبەدەر نیشانەکانی بریتین لە:
شۆفێریکردن بە شێوەیەکی سەرشێتانە بەبێ لەبەرچاوگرتنی ئەو مەترسیانەی لەسەر ژیانی خۆی و کەسانی دیکەش دروستی دەکات-.
-کەوتنە ناو گفتوگۆیەکی توندی رۆژانە لەگەڵ کەسانی دەوروبەری، ئەمەش بەهۆی ئەوەوەیە کەسەکە ناتوانێت مامەڵە لەگەڵ تووڕەبوونەکەی ناخی بکات و هەوڵدەدات دەرچەیەکی بۆ بدۆزێتەوە و دەریببڕێت.
-بەکارهێنانی وشەی نەشیاو بە شێوەی بەردەوام زیاتر لە کەسێکی ئاسایی.
-نەمانی متمانە بە هاوڕێی و کەسە نزیکەکانی، وابیردەکاتەوە کە کەسە نزیکەکانی وازی لێدەهێنن و لێی دووردەکەونەوە.
-زۆرترین گاڵتە و گەپ دەکات، ئەمەش بۆ شاردنەوەی رێژەی تووڕەییەکەی.
