فیدراسیۆنی تۆپی پێی ئەوروپا (یوێفا)، بڕیاریدا لێکۆڵینەوە لە دۆسیەی بەرشلۆنە و نیگرێرا بکات.
دوای ئاشکراکردنی بابەتی پەیوەندیی نێوان یانەی بەرشلۆنە و خوسێ نیگرێرای جێگری پێشووی سەرۆکی لیژنەی ناوبژیوانانی “لالیگا”، هەروەها تێوەگلانی یانە کەتەلۆنییەکە بە پێدانی بەرتیل بەبڕی (1.4 ملیۆن یورۆ).
میدیاکانی ئەوروپا مشتومڕێکی بەهێزیان لەو بارەیەوە دروستکردووە، دادگای باڵای ئیسپانیا ناچاربووە دەستوەردان بکات.
لەو بارەیەوە (یوێفا) ئاشکرایکردووە، وردەکارییەکانی دۆسیەکە پەیوەستە بە لادان لە یاسا کارپێکراوەکانی فیدراسیۆنی تۆپی پێی ئەوروپا، بۆ ناچارن لەو بارەیەوە دەست بە لێکۆڵینەوە بکەن.
بەپێی زانیارییەکانی “ئیل کۆنفیدینسیاڵ”، لە ئەگەری سەپاندنی تۆمەتەکان بەسەر بەرشلۆنەدا، فیدراسیۆنی تۆپی پێی ئەوروپا ڕاستەوخۆ لە چالاکییە ئەوروپییەکان دووریاندەخاتەوە.
