یانەی پاریس سان جێرمان دەستی بە گەڕان کردووە بۆ دابینکردنی جێگرەوەی کیلیان مباپێ، لە کاتێکدا گرێبەستی یاریزانە فەرەنسییەکە بەرەو کۆتایی دەچێت و تاوەکو ئێستا بە نوێکردنەوەی قایلنەبووە.
مباپێ لە دوو مانگی داهاتوودا سەربەست دەبێت لە دانوستاندن لەگەڵ یانەیەکی دیکە، یانەی ڕیاڵ مەدرید خوازیاری سەرەکییە و بە ئەگەرێکی زۆرەوە هاوینی 2022 درێسی سپیی مەدرید دەپۆشێت.
بەپێی زانیارییەکانی تۆڕی “سکای دۆیچلاند”، بەڕێوەبەرانی پاریس بڕیاریانداوە هەموو تواناکانیان بەگەڕبخەن بۆ نوێکردنەوەی بۆندی مباپێ، لە ئەگەری سەرنەکەوتنیشیاندا ڕوودەکەنە خولی نەمسا و بۆند پێشکەشی کەریم ئادیمی ئەستێرەی هەڵکشاوی ئەڵمانیا و یانەی ڕێدبوڵ سالزبۆرگ دەکەن.
ئادیمی تەمەنی 19 ساڵە و بۆ پێکهاتەی ئەڵمانیا بانگهێشتکراوە، بەدرێسی سالزبۆرگی نەمساییەوە 18 یاریی کردووە و 14 گۆڵی تۆمارکردووە، شارەزایان پێیانوایە هەمان شێوازی یاریکردنی کیلیان مباپێ-ی هەیە.
