ئەمشەو لە سنووری قەزای شنگال بومەلەرزە روویدا، لە چەند ناوچەیەكی كوردستان و شاری موسڵ و ناوچەكانی دەوروبەری بە سووكی هەستیپێكراوە.
دەستەی گشتیی كەشناسی و بومەلەرزەزانی لە وەزارەتی گواستنەوە و گەیاندنی عێراق دەڵێت، چەقی بومەلەرزەكە 38 كیلۆمەتر لە باشووری خۆهەڵاتی قەزای شنگال بووە.
لە راگەیەندراوێكدا دەستەی گشتیی كەشناسی و بومەلەرزەزانیی عێراق راشیگەیاندووە، گوڕی بومەلەرزەكە 3.1 پلە بە پێوەری رێختەر بووە.
