پرۆسەی یەکخستنەوەی هێزەکانی پێشمەرگە مێژووەکەی دەگەڕێتەوە بۆ ساڵی 1986 کە ئەوکاتە رێککەوتنێک کراوە لە نێوان مام جەلال و ئیدریس بارزانی بۆ یەکخستنەوەیان.
بەختیا محەمەد ئەمینداری گشتیی هێزەکانی پێشمەرگە ئەمڕۆ لە کۆنگرەیەکی رۆژنامەوانیدا رایگەیاند، پرۆسەکە 37 ساڵ بەر لە ئێستا بە رێککەوتنێک لەنێوان مام جەلال و ئیدریس بارزانیدا بەمەبەستی بەهێزکردنی بەرەی کوردستانی، پرۆسەکە تا ئێستا بەردەوامە.
وتیشی، ئێستا بەرنامەیەکمان هەیە بە ناوی “پێشمەرگە لە ئایندەدا” نە هاوکاری راوێژکارانی نێودەوڵەتی، پرۆسەکە ئێستا خاوە و لە جێگەی خواست و تموحی ئێمە و خەڵکی کوردستان و هاوپەیمانان نییە.
باسی لەوەکرد کە کۆمەڵێک رێگری هۆکارن بۆ خاوی پرۆسەی یەکگرتنەوەی هێزەکانی پێشمەرگە، لەوانەی کێشە سیاسییەکانی هەرێمی کوردستان یەکێکە لە رێگریەکان، هەروەها کێشەی بودجەمان هەبوو کە دەمانەوێت بودجەی پێشمەرگە تایبەت بێت و لە زۆنەکانەوە نەیەت.
بەسی لەوەکرد،هەروەها شەڕی داعش و کێشەکانی نێوان هەرێمی کوردستان و بەغداد رێگری دیکە بوون لە پرۆسەکە.
