دوای نیوەڕۆی ئەمڕۆ رووداوێکی هاتوچۆ لەسەر رێگای دوکان – سلێمانی روویدا و بەهۆیەوە سێ پێشمەرگە برینداربوون و یەکێکیش گیانیلەدەستدا.
ئەمڕۆ پێنجشەممە لەسەر رێگای دوکان – سلێمانی لە نزیکی گوندی کانی خان ئۆتۆمبێلێک کە سەرجەم سەرنشینەکانی پێشمەرگەبوون تووشی رووداوی هاتوچۆ بوو.
لە رووداوەکەدا سێ پێشمەرگە برینداربوون و یەکێکیش گیانیلەدەستداوە.
سامان نادر لێپرسراوی سەنتەری فریاکەوتنی خێرای سلێمانی بە تۆڕی میدیایی ئێستای راگەیاند، “تیمەکانمان بە هانای بریندارەکانەوە چوون ئێستا براونەتە نەخۆشخانەی دوکان گەر پێویست بکات دەیانهێنینە سلێمانی و چارەسەری پێویستیان بۆ دەکەین”.
