راپرسییەكان لەبارەی هەڵبژاردنەكەی ئایاری داهاتووی توركیا چی دەڵێن؟

سەركردەی شەش لایەنە ئۆپۆزسیۆنەكەی توركیا

راپرسییەكی نوێ ئاشكرایدەكات كەمال كلیچدار ئۆغلۆ كاندیدی بەرەی ئۆپۆزسیۆنی توركیا بە 10 خاڵی سەدی لەپێش رەجەب تەیب ئەردۆغانەوە، بەر لەو هەڵبژاردنەی بڕیارە لە 14ی ئایاری داهاتوو ئەنجامبدرێت و زۆرینە پێیانوایە زۆر گرنگە لە مێژووی توركیادا.

هەر بەپێی راپرسییەكان بەرەی ئۆپۆزسیۆن كە ناوی هاوپەیمانیی گەلی هەڵگرتووە، لە هەڵبژاردنی پەرلەماندا بە شەش خاڵ لە پێش پارتی داد و گەشەپێدانەوەیە بە سەرۆكایەتیی ئەردۆغان.

تائێستاش پارتی دیموكراتی گەلان (هەدەپە)ی پشتیوان لە كورد رێژەیەكی بەرزی لایەنگری هەیە كە زیاترە لە 10%ی دەنگەكان.

لەم هەڵبژاردنەدا ئەردۆغان رووبەڕووی گەورەترین ئالگاریی دەسەڵاتەكەی دەبێتەوە كە ماوەی 20 ساڵە درێژەی هەیە، پاش پاشەكشەی ئاستی جەماوەری لە ئاكامی گرانی و دژواریی بارودۆخی ژیان، هەروەها قوربانیانی بومەلەرزەكەی مانگی رابردوو كە چاوەڕوان دەكرێت چاوخشاندنەوە بە پابەندییان بۆ پارتی داد و گەشەپێداندا بكەن.

راپرسییەك كە كۆمپانیای (ئەكسۆی ریسیرش)ی توركی ئەنجامیداوە دەریدەخات، كەمال كلیچدار ئۆغلۆ رێژەی پاڵپشتیی گەیشتووەتە 55.6%، بەمەش پێش ئەردۆغان كەوتووە كە ئاستی پاڵپشتی گەیشتووەتە 44.4%.

هەر بەپێی راپرسییەكە هاوپەیمانیی ئۆپۆزسیۆن 44.1%ی دەنگەكانی هێناوە، پارتی دیموكراتی گەلان 10.3%، لەكاتێكدا پارتی داد و گەشەپێدان و هاوپەیمانەكەی پارتی بزوتنەوەی نەتەوەیی 38.2% هێناوە.

راپرسییەكی دیكە كە كۆمپانیای (ئەلف ریسێرش) لەنێوان شەش و حەوتی ئەم مانگەدا ئەنجامیداوە دەریدەخات ئاستی پاڵپشتی بۆ كلیچدار ئۆغلۆ گەیشتووەتە 55.1%، ئەردۆغان-یش 44.9% بووە.

حزبی گەلی كۆماری بە سەرۆكایەتی كلیچدار ئۆغلۆ ئاستی پاڵپشتی گەیشتووەتە 31.8%، لە دوای ئەویش پارتی داد و گەشەپێدان دێت بە 31%.

بەپێی راپرسییەكە بەرەی ئۆپۆزسیۆن 43.5%ی پاڵپشتی بەدەستهێناوە، پارتی دیموكراتی گەلان 11.3%، هەوەها پارتی داد و گەشەپێدان و پارتی بزوتنەوەی نەتەوەیی پێكەوە 37.5%یان هێناوە.

پەیمانگای بوتسدام بۆ توێژینەوە جێبەجێكارییەكان (بیار ریسێرش) ئەگەری بردنەوەی كلیچدار ئۆغلۆی بە رێژەی 57.1% داناوە، لەكاتێكدا ئەردۆغان ئاستەكەی بۆ 42.9% دابەزیوە.

هەڵبژاردنەكان تەنها سەرۆكایەتیی داهاتووی توركیا دیاریناكەن، بەڵكو شێوازی بەڕێوەبردن و ئەو رێچكەیەی ئابورییەكەی دەیگرێتەبەر، لەگەڵ رۆڵیدا لە سوككردنی ململانێكان لە ئۆكرانیا و رۆژهەڵاتی ناوەڕاست یەكلادەكەنەوە.

بابەتی پێشتر

گەورەترین فێستیڤاڵی نەورۆز لە سلێمانی سازدەكرێت

بابەتی دواتر

لیڤەرپوڵ ڕیکۆردی گواستنەوەکان دەشکێنێت

بابەتی پەیوەندیدار
زیاتر ببینە

یاریزانێک بەهۆی زیادەڕەویکردن لە بەکارهێنانی تەواوکەرە خۆراکییەکان گیانیلەدەستدا

یاریزانێکی لەشجوانی میسری بەهۆی زیادەڕەویکردن لە بەکارهێنانی وزەبەخش و تەواوکەرە خۆراکییەکان گیانیلەدەستدا. یاریزانەکە ناوی ئەیمەن مەجدییە، ماوەی سێ…
زیاتر ببینە

دۆسیەی خاشقچی… پەیامنێرانی بێسنوور ڕەخنە لە زاڵبوونی سیاسی بەسەر دادگای تورکیا دەگرێت

ڕێکخراوی پەیامنێرانی بێسنوور سەرکۆنەی زاڵبوون و کاریگەریی سیاسی بەسەر سیستمی دادوەریی تورکیادا دەگرێت، ئەمە لەکاتێکدایە  دانیشتنێکی نوێی دادگای…
Total
0
Share