شارەوانیی سلێمانی رایدەگەیەنێت، چۆنییەتی جێبەجێكردنی سیستمی یەكپەنجەرە تاوتوێدەكات و تیمێكی تایبەت بۆ ئەو مەبەستە پێكهێندراوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی لەسەر راسپاردەی قوباد تاڵەبانی جێگری سەرۆك وەزیرانی هەرێم سیستمی یەكپەنجەرەیی لە چەند فەرمانگەیەكی سلێمانی راگەیاند. ئەمڕۆ یەكشەممە، سەرۆكایەتی شارەوانیی سلێمانی، پاڵپشت و پشتگیری بۆ سەركەوتنی ئەو سیستمە دووپاتكردەوە.
بۆ ئەو مەبەستەش، تیمێك لە لێپرسراوانی كاروبار و مامەڵەی هاوڵاتییان لە نزیكەوە چاویانكەوت بە هاوڵاتییان و ژمارەیەكی بەرچاو لە مامەڵەی هاوڵاتیيان تاوتوێكردنی چۆنێتی جێبەجێكردنی سیستمی ناوبراو بە شێوەیەك كە لە خزمەتی هاوڵاتییانی شارەكەماندا بێت كە بەپێی داتایەك، رۆژانە نزیكەی 900 كەس سەردانی شارەوانی دەكات.
