كەشناسیی هەرێم پێشبینییەكانی كەشوهەوای ئەمڕۆ و سبەی ئاشكرادەكات و دەڵێت، ئاسمان لەنێوان پەڵەهەور و نیمچە هەوردا دەبێت.
بەشی پێشبینیی كەشوهەوای سەر بە وەزارەتی گواستنەوە و گەیاندن رایگەیاند، ئەمڕۆ ئاسمان ساماڵ دەبێت لەگەڵ دروستبوونی هەندێ پەڵەهەور.
ئەوەشی خستەڕوو، پلەکانی گەرما نزیک دەبێتەوە لە تۆمارکراوی رۆژی پێشوو.
دەربارەی پێشبینییەكانی كەشوهەوای سبەی یەكشەممەش دەڵێت، ئاسمان ساماڵ دەبێت لە کاتەکانی ئێوارەدا دەگۆرێت بۆ نیمچە هەور.
هەروەها پلەکانی گەرما بە یەك تا دوو پلەی سیلیزی بەرزدەبنەوە بەراورد بە تۆمارکراو ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 23
سلێمانی : 21
دهۆک : 23
کەرکوک : 25
هەڵەبجە : 23
زاخۆ : 23
سۆران : 21
گەرمیان : 26
