سەرۆكایەتیی شارەوانیی سلێمانی رایدەگەیەنێت، لەپێناو ڕێگریكردن لە كۆبوونەوەی ئاو و دروستبوونی لافاو، تیمەكانی سەرۆكایەتیی شارەوانیی سلێمانی لە دوانیوەڕۆی ئەمڕۆوە دەستیانكردووە بە ئەنجامدانی هەڵمەتێك بۆ شەقام و گەڕەكەكانی شار لەو هەڵمەتەدا، كە بەشەكانی ئامێرەكان، ئاوەڕۆ و خزمەتگوزاریی بەشدارن چەندین مەنهۆڵ و دەرچەی ئاوەڕۆیان پاككردەوە.
لە راگەیەندراوەكەدا هاتووە، داوا لە هاوڵاتییان دەكەین بۆ كاری بەپەلە و پێویست نەبێت نەیەنە دەرەوە و رێگا گشتییەكان بەكارنەهێنن.
