پێنج یانەی گەورە ئارەزووی گواستنەوەی مارکوس تورام، هێرشبەری فەرەنسی یانەی بوروسیا مۆنشنگلادباخ دەکەن .
فابریزیۆ ڕۆمانۆ، ڕۆژنامەنووسی بەناوبانگی تایبەت بە هەواڵی گواستنەوەکان، لە وتارێکی ڕۆژنامەوانیدا دووپاتیکردووەتەوە، یانەکانی بەرشەلۆنە، ئینتەر میلان، دوو یان سێ یانەی ئینگلیزی دەیانەوێت تورام بگوازنەوە بۆ ڕیزەکانیان.
Barcelona irá tentar a contração de Marcos Thuram.
Jogador francês foi oferecido ao clube espanhol, atualmente está no Borussia Monchengladbach.
🗞️ | Diário Esportivo pic.twitter.com/4JCsT05jNy
— Gonçalo Filipe (@n3tocz) February 26, 2023
ڕۆمانۆ ئاماژەی بەوەشکردووە، یانە ئارەزومەندەکان پەیوەندییان بە لێپرسراوی کارەکانی تورامەوە کردووە و لە داواکارییە داراییەکانی یاریزانەکە ئاگادارکراونەتەوە. جەختیشی لەوە کردووەتەوە، کە “بایرن میونشن گرنگی بەو یاریزانە نادات.
مارکۆس، کوڕی لیلیان تورامی ئەستێرەی پێشووی هەڵبژاردەی فەرەنسایە، لە کۆتایی وەرزدا گرێبەستەکەی لەگەڵ بوروسیا مونشنگلادباخ کۆتاییدێت.
هێرشبەرە تەمەن (25) ساڵەکە لە خولی ئەڵمانیا ئاستێکی بەرز پێشکەش دەکات، لەم وەرزەدا لە (22) یاریدا (11) گۆڵی تۆمارکردووە.
