یانەی بایرن میونشنی ئەڵمانی، لە کۆتایی وەرزدا گرێبەستی هەمیشەیی لەگەڵ جواو کانسێلۆی بەرگریکاری پۆرتوگالی واژۆ ناکات.
پۆرتاڵی “کالچیۆ مێرکاتۆ”ی ئیتاڵی لە زاری سەرچاوە ناوخۆییەکانی یانەی بایرن میونشنەوە ئاشکرایکردووە، سەرپەرشتیارانی یانە ئەڵمانییەکە لە ئاست و توانا هونەری و هزرییەکانی جواو کانسێلۆ ڕازی نین، بڕیاریشیانداوە لە کۆتایی وەرزدا ڕەوانەی مانچستەر سیتی بکەنەوە.
🚨 João Cancelo is frustrated with his lack of playing time at Bayern. 🇵🇹
He has played only 191 minutes out of a possible 450 in the last 5 matches.
(Source: @Plettigoal) pic.twitter.com/tigiD5xyZj
— Transfer News Live (@DeadlineDayLive) March 7, 2023
کانسێلۆ لە ئێستادا بە خواستن بۆ یانە زەبەلاحەکەی باڤاریا یاریدەکات، ناچارە لە هاوینی 2023وە بگەڕێتەوە بۆ شاری مانچستەر، سەرەڕای ئەوەی لەلایەن پێپ گواردیۆلاوە گرنگی پێنادرێت و داوای فرۆشتنیشی کردووە.
سەرچاوەکە نووسیویەتی، کێشەکە لەوەدایە مانچستەر سیتی-یش بە هەمانشێوە یاریزانەکەی ناوێت، ئەوەش ئەگەری فرۆشتنی بە یانەیەکی دیکە دەهێنێتە ئاراوە.
