بەڕێوەبەرایەتیی دابەشکردنی کارەبای سلێمانی بڵاویکردەوە، ئەو دوکانانەی هاوبەشیی کارەبایان نییە، گەر لە ماوەی 15 رۆژدا مامەڵەکەی ئەنجام نەدەن کارەبایان دەبڕدرێت.
بەڕێوەبەرایەتیی دابەشکردنی کارەبای سلێمانی/رۆژهەڵات بڵاویکردەوە، ” ئاگاداری سەرجەم ئەو خاوەن دوكانانەى ناو سەنتەرى شارى سلێمانی، بە تايبەتى ناو بازاری سلێمانی دەکاتەوە کە پێوەرى زيرەكيان بۆ بەستراوه و هاوبەشيان نيیه، بە زووترین کات سەردانی بەڕێوەبەرایەتی کارەبای رۆژهەڵات بەشی فرۆشتنی ووزە بکەن، بە مەبەستی ئەنجامدانی مامەڵەی هاوبەشیکردنی کارەبای نیشتمانی بەشێوەى فەرمى”.
ئاماژەی بەوەش کرد، “هەر دوکاندارێك پابەند نەبێت له دواى 15رۆژ له بڵاوكردنەوەى ئەم ئاگادارييه كارەباكانيان دەبڕدێت و لێپێچينەوەی یاساییان لەگەڵ دەكرێت”.
ئاشکراشیکرد، “بەپێی ئەو پلانەى دانراوە لە داهاتوویەکی نزیکدا كارەباكانيان دەكرێت بە پریپەیت”.
