ئه‌مشه‌و یەکشه‌ممه، یارییەکانی هه‌فته‌ی (25)ی خولی پله یه‌کی ئیتاڵیا بەردەوامییان هەبوو، یانه‌ی ڕۆما بردنه‌وه‌یه‌کی گرنگی به‌رامبه‌ر یوڤانتۆس تۆمارکرد.
یانەی ڕۆما له یاریگای “ئۆڵێمپیکۆ” میوانداریی یوڤانتۆسی کرد، یارییەکە به ئه‌نجامی گۆڵێکی بێبه‌رامبه‌ر له به‌رژه‌وه‌ندیی ئەستێرەکانی جوزێ مۆرینیۆ کۆتاییهات.
گۆڵه‌کەی “جێلاڕۆسی” له خوله‌کی 53 له‌لایه‌ن جیانلوکا مانچینی-یەوە تۆمارکرا.
به‌پێی ئه‌نجامه تۆمارکراوه‌که، یانه‌ی ڕۆما ژماره‌ی خاڵه‌کانی گه‌یانده (47) و گەڕایەوە بۆ پلەی چوارەمی ڕیزبه‌ندیی یانه‌کانی خولی پله یه‌کی ئیتاڵیا، له‌به‌رامبه‌ردا یانه‌ی خانمە پیرەکە به (35) خاڵه‌وه لە پلەی حەوتەمدا بەردەوامبوو.
