یەكێتیی تۆپی پێی جیهان ئاشكرایكرد، نۆ ڕۆژی تر تیروپشكی قۆناغی كۆمەڵەكانی مۆندیالی 2022 ڕادەكێشرێت.
یەكێتیی تۆپی پێی جیهان بڕیاریداوە دیاریكردنی هەڵبژاردەكانی پێشەنگ بە پێی ڕیزبەندی مانگی سێی فیفا بێت و قەتەڕیش بەو پێیەی میوانداری پاڵەوانێتییەكە دەكات، لە هەڵبژاردەكانی پێشەنگ دەبێت.
بڕیارە سەرەتای تیروپشكەكە بە دیاریكردنی هەڵبژاردەكانی سەروی كۆمەڵەكە دەستپێبكات و دواتریش هەڵبژاردەكانی كۆتایی كۆمەڵەكە ناوی ئاشكرادەكرێت.
32 هەڵبژاردەكە ڕكابەری لەسەر بەدەستهێنانی ناسناوی مۆندیال دەكەن و ئەو بۆنە جیهانیەش 242 ڕۆژی تر دەستپێدەكات.
