ئەمڕۆ، شەممە یانەی لیستەر سیتی یاری هەفتەی 24ی پریمەرلیگی بەرانبەر لیڤەرپوڵ ئەنجامدا و بردنەوەی تۆمارکرد.
لیستەر سیتی برێندان ڕۆجەرز لە واڵکەرز ستادیەم میوانداری لیڤەرپوڵی کرد و یاری نێوانیان بە ئەنجامی سێ گۆڵ بەرانبەر گۆڵێک لە بەرژەوەندی یانەی خانەخوێ کۆتاییهات.
گۆڵەکەی “ڕێدز” لە خولەکی 67 لەلایەن محەمەد سەڵاح، گۆڵەکانی لیستەر لە خولەکەکانی 80 و 81 و 85 لەلایەن جەیمس مادیسۆن، جەیمی ڤاردی، هارڤی بارنسەوە تۆمارکران.
https://streamable.com/ifn6zr
بەپێی ئەنجامە تۆمارکراوەکە، یانەی لیڤەرپوڵ لە کۆی 24 یاری ئەم وەرزە (2020/2021) ژمارەی خاڵەکانی لە (40)دا وەستایەوە و لە پلەی چوارەمدا جێگیربوو، لە بەرانبەردا یانەی لیستەر سیتی ژمارەی خاڵەکانی گەیاندە 46 و بە شێوەیەکی کاتیی گەڕایەوە دووەمی ڕیزبەندی یانەکانی پریمەرلیگ.
