بڵاوبوونەوەی ڤیدیۆیەك كە رێوڕەسمی مارەبڕینی كچ و كوڕێك نیشاندەدات، كاردانەوەی فراوانی بەدوای خۆیدا هێناوە.
لە گرتە ڤیدیۆییەكەدا ئەو پیاوە ئایینییەی كە كچ و كوڕەكە لە یەكدی ماردە دەكات، ئاماژە بۆ ئەوە دەكات كە مارەیی كچەكە یەك كیلۆگرام ئاڵتوونە و پاشەكیی هاوسەرگیریكردنەكەش یەك ملیار یۆرۆیە.
وەك لە میدیادا ئاماژەی بۆ دەكرێت، كوڕەكە عێراقییە و كچە كوەیتییە و مارەبڕینەكە لە دەرەوەی وڵات ئەنجامدراوە. بڵاوبوونەوەی ڤیدیۆكەش كاردانەوەی فراوانی لای بەكارهێنەرانی تۆڕە كۆمەڵایەتییەكان لە عێراق بەدوای خۆیدا هێناوە و بەشێكیان ئەو مارەییە بە زیادەڕۆیی ناوزەد دەكەن.
