عێراق لە ساڵی رابردوودا بایی پێنج ملیار دۆلار نەوتی فرۆشتووە

کۆمپانیای بەبازاڕکردنی نەوت (سۆمۆ) ڕایگەیاند، داهاتی نەوتی هەناردەکراو بۆ ساڵی 2022 زیاتربووە لە پێنج ملیار دۆلار.

سومۆ لە خشتەیەکدا بڵاویکردەوە، “بڕی هەناردەی بەرهەمە نەوتییەکان لە ماوەی ساڵی 2022دا 9 ملیۆن و 213 هەزار و 173 بەرمیل  بووە، بە بەهای دارایی 5 ملیار و 3 ملیۆن و 144 هەزار و 571 دۆلار”.

ئاماژەی بۆ ئەوە کردووە، “هەناردەی وەرگیراوەکانی نەوت چوار جۆر سووتەمەنی لەخۆ گرتووە، کە بەنزینی سروشتی و گۆگرد و رۆنی سووتەمەنین”.

سۆمۆ رایگەیاندووە، “بڕی هەناردەکراوی نەفتا لە ماوەی ساڵی 2022 بڕی یەک ملیۆن و 258 هەزار و 519 تۆن بووە، بە بەهای دارایی 903 ملیۆن و 506 هەزار و 587 دۆلار”، ئەمەش ئاماژەیە بۆ ئەوەی هەناردەی نەوتی سووتەمەنی عێراق “نەوتی ڕەش” 7 ملیۆن و 627 هەزار و 179 تۆن بە بەهای دارایی، بڕی 4 ملیار و 7 ملیۆن و 30 هەزار و 269 دۆلار بووە.

عێراق دووەم گەورەترین سەرچاوەی نەوتە لە ئۆپێک، بەڵام لە هەمان کاتدا بەهۆی کەمی پاڵاوگەکانی عێراق و زۆری تەمەنیانەوە، وەرگیراوەکانی نەوت لە وڵاتانی جیهان هاوردە دەکات.