مریشك و هێلكە خرانە بەشەخۆراكی مانگانەوە و بڕیارە لە مانگی رەمەزاندا بەسەر هاوڵاتییاندا دابەشبكرێن.
لوما هاشم موسەوی بەڕێوەبەری گشتیی كۆمپانیای بازرگانیی خۆراك رایگەیاند، بەشەخۆراكی مانگانەی هاوڵاتییان بۆ مانگی رەمەزان ئامادەیە و پێش دەستپێكردنی مانگی رەمەزان بە پێنج رۆژ دابەشدەكرێت.
موسەوی دەڵێت، “پێكهاتەكانی بەشەخۆراك هەمان ئەو جۆرانەن كە مانگەكانی پێشتر دابەشكراون، لەگەڵ ئەوەشدا پێشنیازكراوە خواردەمەنیی دیكەیان سەرباربكرێن وەك هێلكە و مریشك”.
بەڕێوەبەری گشتیی كۆمپانیای بازرگانیی خۆراك لە وەزارەتی بازرگانیی عێراق ئاشكراشیكرد، تەنها رەزامەندیی سەرۆكایەتیی ئەنجومەنی وەزیرانیان پێویستە بۆ زیادكردنی هێلكە و مریشك بۆ بەشەخۆراك بۆ ئەوەی دابەشبكرێن.
