بەرپرسێكی باڵای توركیا رایدەگەیەنێت، ژمارەی ئەو سورییانەی گەڕاونەتەوە وڵاتەكەیان لەدوای بومەلەرزەكەی 6ی ئەم مانگەوە گەیشتووەتە 20 هەزار كەس.
خلوسی ئاكار، وەزیری بەرگریی توركیا سەرەڕای راگەیاندنی ئەو ئامارە رەتیكردەوە شەپۆلی ئاوارەبوونی سورییەكان بەرەو وڵاتەكەی پاش بومەلەرزەكە زیادیكردبێت.
هۆكاری گەڕانەوەشیانی بۆ وڵاتەكەیان بۆ داڕمانی خانووەكانیان بەهۆی بومەلەرزە وێرانكەرەكەی سەرەتای ئەم مانگە گەڕاندەوە.
لەكاتێكی پێشتردا كۆمپانیای هێڵی ئاسمانیی توركی گواستنەوەی زیاتر لە 256 هەزار كەسی لەو ناوچانەی بومەلەرزەكە گرتوونیەتەوە راگەیاند.
بەپێی وتەی بلال ئاكشی، بەڕێوەبەری گشتیی كۆمپانیاكە، سێ هەزار و 32 گەشتی ئاسمانییان پەیوەست بە كارەساتی بومەلەرزەكە رێكخستووە.
