وەزیری بەرگریی ئیسرائیل رایدەگەیەنێت، “ئێمە لە شەڕداین و ناچارین بەرگریی لە خۆمان بكەین و ناتوانین لەگەڵ بكوژاندا لێبوردەبین.
دوای كۆتاییهاتنی كۆبوونەوەی نێوان وەزیرانی بەرگریی ئەمریكا و ئیسرائیل كە ئێستا بەسەردانێك وەزیری بەرگریی ئەمریكا لە ئیسرائیلە، یۆئاڤ گالانت وەزیری بەرگریی ئیسرائیل لە كۆنگرەیەكی رۆژنامەوانیدا رایگەیاند، گورزێكی گەورەمان بەركەوتووە بۆیە ناتوانین لەگەڵ بكوژاندا لێبوردەبین، جگەلەوەش ئێمە لە شەڕداین ناچارین بەرگریی لە خۆمان بكەین.
هاوكات لۆید ئۆستن وەزیری بەرگریی ئەمریكا رایگەیاند، پشتگیریی ئەمریكا بۆ ئیسرائیل بێسنوورە و حەماس جگەلە لە كوشتن هیچ رێگەیەكی دیكەی نییە و لە ئێستادا حەماس هەڕەشەیەكی جیهانییە و بە هەموو شێوەیەك پشتیوانی لە ئیسرائیل دەكەین مووشەكی زیاتر دەدەینە ئیسرائیل.
